Սովորել՝ դաս 56 Շիրակի մարզը, էջ 155-157 պատմել, պատասխանել բլոգում ստորև գրված հարցերին․

ՀԱՐՑԵՐ ԵՎ ԱՌԱՋԱԴՐԱՆՔՆԵՐ

1. Բնութագրե՛ք Շիրակի մարզի աշխարհագրական դիրքը:

Շիրակը կազմավորվել է Ախուրյանի, Ամասիայի, Անիի, Արթիկի և Աշոցքի տարածաշրջանների միավորումից։ Մարզկենտրոնը Գյումրին է: Մարզին բաժին են ընկնում ՀՀ տարածքի 9.0 %–ը, բնակչության՝ 7.9 %–ը: Մարզն ունի կարևոր տարանցիկ նշանակություն ՀՀ տրանսպորտային համակարգում: Այստեղով են անցնում Հայաստանը Վրաստանին կապող գլխավոր երկաթուղին և ավտոճանապարհներից մեկը:

2. Վերլուծե՛ք Շիրակի մարզի բնառեսուրսային ներուժը:

Շիրակն առավել հարուստ է տուֆի, պեմզայի, բազալտի, հրաբխային խարամի և կրաքարի պաշարներով։ Մարզում գերակշռողը լեռնատափաստանային ու ալպյան բնական լանդշաֆտներն են՝
լեռնային սևահողերի և լեռնամարգագետնային հողածածկով:

3. Առանձնացրե՛ք Շիրակի մարզի քաղաքները և հայտնի գյուղերը:

Բացի Գյումրիից քաղաքներ են նաև Արթիկը և Մարալիկը: Դրանցից ավելի մեծը և տնտեսական առումով
հայտնին Արթիկն է: Մարզում գերխոշոր են Ախուրյան և Ազատան գյուղերը, հայտնի են նաև Սառնաղբյուր,
Պեմզաշեն, Փանիկ և այլ գյուղեր:

4. Արդյունաբերության մեջ ի՞նչ ճյուղեր են գերակշռում։

Շիրակում վերամշակող արդյունաբերության ճյուղերից առավել զարգացած են սննդամթերքի ու խմիչքների արտադրությունները:
Դրանց մեծ մասը Գյումրիում է։ Մասնակի հզորությամբ է աշխատում Ախուրյան գյուղում կառուցված շաքարի գործարանը:

5. Գյուղատնտեսության մեջ ի՞նչ ճյուղեր են գերակշռում։

Այստեղ առաջատարն անասնաբուծությունն է: Շիրակը ԽԵԿ–ի գլխաքանակով, մսի և կաթի արտադրությամբ Գեղարքունիքից հետո երկրորդն է ՀՀ–ում, որի զարգացած շրջաններն են Աշոցքի,Ամասիայի և Արթիկի տարածաշրջանների լեռնային տարածքները

6. Մարզում ինչպիսի՞ նշանավոր վայրեր գիտես։

Վահրամաբերդի ամրոցը, Մարմաշենի և Հառիճի վանքերը, Երերույքի եկեղեցին

7. Ինչ առանձնահատկությամբ է աչքի ընկնում մարզը։

Շիրակի բազմազան լանդշաֆտները, կազդուրիչ կլիման, ձմեռային հանգստի հնարավորությունները, Գյումրիի պատմամշակութային բացառիկ ռեսուրսները, և այլ օբյեկտներ նպաստում են մարզում զբոսաշրջության զարգացմանը: