1․Կոմիտասի «Աշուն օր» բանաստեղծությունը շատ լավ կարդալ  սովորիր։

Աշուն օր

Սևուկ ամպեր վար եկան
Օրան, օրան,
Սարի վրա շար եկան։
Ծագեց առավոտ
Պաղեց, սառավ օդ։

Գոռաց երկինք, բուք արավ,
Հևաց, հևաց.
Ծերուկ երկիր սուգ արավ։
Ճաքեց հեռուն ամպ,
Երկիր դողաց-բա՛մբ։

Բողբոջ արև շող կապեց,
Դողաց, սողաց,
Արյուն-ամպից քող կապեց։
Վառեց լեռան լանջ,
Լեռան ցավատանջ։

Տեղաց անձրև մաղ տալով,
Մարմանդ-մարմանդ,
Հոգնած տերև շաղ տալով։
Երկիր քուն դրավ,
Եվ թռչուն թռավ։

Հուզված առուն փախ տվավ
Սողուն-սողուն,
Ձորում մշուշ կախ տվավ։
Քամին ելավ վեր,
Արավ տարուբեր։

Մոխիր ամպեր ժիր եկան
Դալուկ-դալուկ,
Սարի վրա ցիր եկան։
Հալեց աշուն օր
Կյանքիս սևավոր։

2. Կարմիրով գրված բառերը դո՛ւրս գրիր, ապա բառարանի օգնությամբ բացատրի՛ր:

Օրան – հացահատիկ

պաղեց – սառեց

հևաց – արագորեն շունչ քաշել

մարմանդ – հանդարտ

դալուկ-դալուկ – դժգույն

3. Կանաչով գրված բառերը դո՛ւրս գրիր, ապա գրիր այդ բառերի հոմանիշները:

Առավոտ – լուսաբաց

արև – արեգակ, արփի

քող – շղարշ

քուն – նինջ

մշուշ – մառախուղ

քամի – պտուտահողմ

ժիր – աշխույժ, ճարպիկ, առույգ

4. Կապույտով գրված արտահայտությունները գրի՛ր մեկ բառով:

Վար եկան – իջան

շար եկան – շարվեցին

բուք արավ – ցրտեց

սուգ արավ –

շող կապեց – շողաց

մաղ տալով – մաղել

շաղ տալով – ցրելով

փախ տվավ – փախավ

կախ տվավ – կախվեց

ցիր եկան – ցրվեցին